அல்மனார் தேசிய பாடசாலையின் ஈரூடக மொழி தினம்

(பியாஸா தாஹிர்)

கண்டி – உடுநுவர ஹந்தெஸ்ஸ அல்மனார் தேசிய பாடசாலையின் வருடாந்த ஈரூடக மொழி தினம் இம்மாதம் கடந்த 18ம் திகதி “சூழல் நேயமானவர்களாக இருப்போம் ” எனும் தொனிப்பொருளில் கல்லூரி வளாகத்தில் மிகச் சிறப்பாக நடைபெற்றது.

இந்நிகழ்வின் பிரதம அதிதியாக தெனுவர வலய பிரதிக் கல்விப் பணிப்பாளர் திருமதி
ஏ. என் .ஹங்கராபிட்டிய அவர்கள் கலந்து சிறப்பித்தார்கள்

தமிழ் மற்றும் ஆங்கிலம் ஆகிய இரு மொழிகளிலும் கற்கும் மாணவர்கள் ஆர்ச்சஸ், மட்ரிக்ஸ், டைட்டன்ஸ் ஆகிய மூன்று அணிகளாகப் பிரிக்கப்பட்டு அணிகளுக்கு இடையே நாடகம், பாடல், வினா விடை போன்ற பல்வேறு போட்டி நிகழ்ச்சிகள் ஏற்பாடு செய்யப்பட்டிருந்ததுடன் பலமான போட்டிக்கு மத்தியில் டைட்டன்ஸ் அணி இந்த வருட சம்பியனாக வெற்றி வாகை சூடியது.