கிழக்கு பல்கலை விபுலானந்தா அழகியற் கற்கைகள் நிறுவகத்தில் கற்கை நெறிகள் ஆரம்பம்

கிழக்கு பல்கலைக்கழக சுவாமி விபுலானந்தா அழகியற் கற்கைகள் நிறுவகத்தில் புதிய சான்றிதழ் கற்கை நெறிகளின் ஆரம்ப நிகழ்வு நேற்றைய தினம் (24) இடம்பெற்றது.

சுவாமி விபுலானந்தா அழகியற் கற்கைகள் நிறுவகத்தின் பணிப்பாளர் கலாநிதி புளோரன்ஸ் பாரதி கெனடி தலைமையில் சுவாமி விபுலானந்தா அழகியற் கற்கைகள் நிறுவகத்தின் இராசதுரை அரங்கில் இடம்பெற்றது

நிகழ்வில் கட்புல தொழில்நுட்பதுறை தலைவர் கலாநிதி.சு.சிவரெத்தினம், நடன நாடகதுறை தலைவர் கலாநிதி தக்ஷாயினி பரமதேவன், சுவாமி விபுலானந்தா அழகியற் கற்கைகள் நிறுவகத்தின் பிரதிபதிவாளர் து.விஜயகுமார் உள்ளிட்ட பல்கலைக்கழக சிரேஸ்ட விரிவுரையாளர்களும் கலந்து சிறப்பித்திருந்தனர்.

நாடகத்துறை, நடனத்துறை மற்றும் சங்கீதத்துறை சார் சான்றிதழ் கற்கை நெறிகளே இதன்போது ஆரம்பித்து வைத்துள்ளதுடன், இக்கற்கை நெறிகளுக்கு வயதெல்லை இல்லையென்பதுடன், உள்வாரி வெளிவாரி என்ற தெரிவு இல்லாமல் கற்பதற்கான வாய்ப்புக்களை எதிர்பார்க்கும் அனைத்து மாணவர்களுக்கும் இச்சந்தர்ப்பம் வழங்கப்பட்டுள்ளதுடன், மேற்குறிப்பிட்ட இக்கற்கை நெறிகள் ஆரம்பித்து வைக்கப்பட்டமையும் குறிப்பிடத்தக்கது.

நிகழ்வில் சிரேஸ்ட விரிவுரையாளர்கள், போதனா ஆசிரியர்கள், வளவாளர்கள், கற்கைநெறிகளில் பங்குபற்றும் மாணவர்கள் மற்றும் மாணவர்களின் பெற்றோர்கள் என பலரும் கலந்துகொண்டிருந்தனர்.