அரச மருத்துவ அதிகாரிகள் சங்கம் இன்று (21) முற்பகல் 8.00 மணி முதல் நாடளாவிய ரீதியில் பணிப் புறக்கணிப்பு போராட்டத்தில் ஈடுபடவுள்ளதாக அறிவித்துள்ளது.
நேற்றைய தினம் (20) முற்பகல் 8.00 மணி முதல் நாட்டின் 5 மாவட்டங்களில் அரச வைத்திய அதிகாரிகள் சங்கத்தினால் பணிப்புறக்கணிப்பு நடவடிக்கை முன்னெடுக்க்பபட்டிருந்தது.
மன்னார், நுவரெலியா, திருகோணமலை, பொலன்னறுவை, இரத்தினபுரி ஆகிய 5 மாவட்டங்களில் 24 மணி நேர அடையாள பணிப் புறக்கணிப்பாக முன்னெடுக்கப்பட்ட இப்பணிப்புறக்கணிப்பு நடவடிக்கையைத் தொடர்ந்து இடம்பெற்ற பேச்சுவார்த்தை வெற்றியளிக்காததால்,
இன்று (21) மு.ப. 8.00 மணி முதல் நாடளாவிய ரீதியில் இப்போராட்டத்தை தொடரவுள்ளதாக அரச மருத்துவ அதிகாரிகள் சங்கம் அறிவித்துள்ளமை குறிப்பிடத்தக்கது.
