“கடந்த காலத்தை முன்னிறுத்தி எதிர்காலத்தை கட்டி எழுப்புவோம்” செயலமர்வு

தேசிய ஒருமைப்பாடு மற்றும் நல்லிணக்கத்திற்குமான அலுவலகத்தின் ஏற்பாட்டில் ” Heal the past and build the future ” எனும் தலைப்பிலான செயலமர்வு நேற்று (24) வெள்ளிக்கிழமை அட்டாளைச்சேனை பிரதேச செயலக கேட்போர் கூடத்தில் நடைபெற்றது.

தேசிய ஒருமைப்பாடு மற்றும் நல்லிணக்கத்திற்குமான அலுவலகத்தின் ஏற்பாட்டில் நடைபெற்ற இந்நிகழ்வுக்கு அட்டாளைச்சேனை உதவி பிரதேச செயலாளர் சட்டத்தரணி நஹீஜா முஸப்பிர் அவர்கள் தலைமை தாங்கியதுடன், நிர்வாக உத்தியோகத்தர்ஆர்.எம்.நளீல் கலந்து சிறப்பித்தனர்.

நல்லிணக்கத்திற்கான ஆக்கபூர்வமான உரையாடல்களை ஏற்படுத்துதல் ( Creative dialogue for reconcillation ) எனும் கருப்பொருளில் நடைபெற்ற இந்நிகழ்வுக்கு உளவளத்துறை ஆலோசகர் மனூஸ் அபூபக்கர்அவர்கள் வளவாளராக கலந்து கொண்டு நிகழ்ச்சியினை நடாத்தி வைத்தார்.