அகில இலங்கை வை.எம்.ம்.ஏ. பேரவை (All Ceylon YMMA Conference) கல்ஹின்னை கிளையின் ஏற்பாட்டில் அகில இலங்கை வை.எம்.ம்.ஏ தேசிய தலைவர் சஹீட் எம் ரிஸ்மி அவர்களின் ஆலோசனையில் மாணவத் தலைவர்களுக்கான தலைமைத்துவ வழிகாட்டல் செயலமர்வின் முதல் கட்டம் கடந்த சனிக்கிழமை (25) கண்டி படகொள்ளாதெனிய ஜமாலியா முஸ்லிம் மஹா வித்தியாலயத்தில் நடைபெற்றது.
மாணவ தலைவர்களுக்கான தலைமைத்துவ வழிகாட்டல் செயலமர்வில் கல்ஹின்னை அல்மனார் தேசிய பாடசாலை மற்றும் படகொள்ளாதெனிய ஜமாலியா முஸ்லிம் மஹா வித்தியாலய மாணவத் தலைவர்கள் கலந்துகொண்டு பயனடைந்தனர்.
நிகழ்வில் அகில இலங்கை வை.எம்.ம்.ஏ. பேரவையின் கண்டி மாவட்ட பணிப்பாளர் எம்.எச்.டி இஹ்திஸான், விஷேட பேச்சாளராக பிரபல வளவாளர் கலாநிதி ரிஷாத் ஹுஸைன், பாடசாலை அதிபர், ஆசிரியர்கள் கலந்து சிறப்பித்தார்கள்.
