2021 க.பொ.த. உயர் தரப் பரீட்சைகள் ஆரம்பமாகின்றது. இன்று பெப்ரவரி 07 ஆம் திகதி முதல், மார்ச் 05 ஆம் திகதி வரை இப்பரீட்சைகள் இடம்பெறவுள்ளன.
2021 க.பொ.த. உயர்தரப் பரீட்சைகள் தொடர்பான அனைத்து ஏற்பாடுகளும் பூர்த்தி செய்யப்பட்டுள்ளதாக, பரீட்சைகள் ஆணையாளர் நாயகம் எல்.எம்.டி. தர்மசேன தெரிவித்தார்.
2021 க.பொ.த. உயர் தரப் பரீட்சைகள் 2, 437 பரீட்சை நிலையங்களில் இடம்பெறவுள்ளன. பரீட்சைகளில், 345,242 பரீட்சார்த்திகள் தோற்றவுள்ளதோடு, அவர்களில், 279,141 பேர் பாடசாலை பரீட்சார்த்திகளும், 66,101 பேர் தனிப்பட்ட பரீட்சார்த்திகள் என்பது குறிப்பிடத்தக்கது.
பரீட்சைக்கு விண்ணப்பித்து, கொவிட் தொற்றுக்குள்ளான மற்றும் தனிமைப்படுத்தலில் உள்ள பரீட்சார்த்திகளுக்காக, விசேட பரீட்சை நிலையங்கள் அமைக்கப்பட்டுள்ளமை குறிப்பிடத்தக்கது.
