(ஜவாஹிர் எம் ஹாபிஸ்)
சுதந்திர கிண்ணத்திற்காக மாகாணங்களுக்கிடையில் நடைபெறும் உதைப்பந்தாட்டப் போட்டிகள் இரண்டு கண்டியில் எதிர்வரும் 10ம் 11ம் திகதிகளில்நடை பெற உள்ளன.
இலங்கை உதைப்பந்தாட்ட சங்கம் ஒழுங்கு செய்துள்ள மேற்படி போட்டிகள் இரண்டு கண்டி போகம்பறை மைதானத்தில் நடைபெற உள்ளன.
10ம் திகதி இடம் பெறும் போட்டி பி.ப.3.30 மணிக்கு ஆரம்பமாகும். இதில் கண்டி மாவட்ட அபிவிருத்திக் குழுத் தலைவரும் கண்டி மாவட்டப் பாராளுமன்ற அங்கத்தவருமான வசந்த யாப்பா பண்டார பிரதம அதிதியாகக் கலந்துகொளவார்.
இப்போட்டியில் ரஜரட்ட அணியும் (வடமத்திய மாகாண). சப்ரகமுவ மாகாண அணியும் போட்டியிடும். 11ம் திகதி நடைபெறும் போட்டியில் ஊவா மாகாண அணியும், மேல்மாகாண அணியும் போட்டியிட உள்ளன.
பார்வையாளர் பிரவேசம் இலவசமாகும். எனவே பார்வையாளர்கள் கலந்து கொண்டு வீரர்களை உற்சாக மூட்டும்படி கண்டிமாவட்ட உதைப்பந்தாட்ட சங்கம் தெரிவிக்கிறது.
