இலங்கை தேசிய நீர் வழங்கல் மற்றும் வடிகாலமைப்புச் சபை இன்று (18) கொழும்பின் பல பகுதிகளில் இன்று (18) மு.ப. 10.00 மணி முதல் திடீர் நீர் வெட்டு அமுல்படுத்தப்பட்டுள்ளதாக அறிவித்துள்ளது.
பிரதான நீர் விநியோக குழாயில் திடீரென மேற்கொள்ள வேண்டிய திருத்தப் பணி காரணமாக குறித்த நடவடிக்கை எடுக்கப்பட்டுள்ளதாக சபை அறிவித்துள்ளது.
இன்று (18) மு.ப. 10.00 மணி முதல் நாளை (19) இரவு 10.00 மணி வரை கொழும்பு 01, 07, 09, 10, 12 அதாவது கொழும்பு கோட்டை, கறுவாத்தோட்டம், தெமட்டகொடை, மருதானை, புதுக்கடை உள்ளிட்ட பகுதிகளில் 36 மணித்தியால நீர் வெட்டு அமுல்படுத்தப்பட்டுள்ளது.
கொழும்பு 08, 11 பொரளை, புறக்கோட்டை ஆகிய பிரதேசங்களில் குறைந்த அழுத்த விநியோகத்தில் நீர் விநியோகம் மேற்கொள்ளப்படுமென இலங்கை தேசிய நீர் வழங்கல் மற்றும் வடிகாலமைப்புச் சபை மேலும் தெரிவித்துள்ளது.
