கலை, இலக்கியம், சமூகம், விளையாட்டு, மருத்துவம், உளவியல், தேர்ந்த சினிமா, போட்டிகள் என அநேக தரமிக்க படைப்புகளோடு வெளிவரும் ‘உள்ளம்’ இதழின் அறிமுக நிகழ்வு ஈழத்தின் விசுவமடு மத்திய சனசமூக நிலைய மேற்றள அரங்கில் நேற்று (18) வெள்ளிக்கிழமை இடம்பெற்றது.
விசுவமடு மத்திய நூலக வாசகர் வட்டத்தின் தலைவர் சர்வேஸ்வரன் வில்லரசன் தலைமையில் இடம்பெற்ற நிகழ்வில் சுடர் ஏற்றப்பட்டு அகவணக்கம் செலுத்தப்பட்டது. வரவேற்புரையினை விசுவமடு மத்திய நூலக நூலகர் ரயுலா திருச்செல்வன் வழங்கினார்.
இந் நிகழ்வில் ‘உள்ளம்’ இதழினை வெளியிடும் கொக்குவில் வளர்மதி முன்னேற்றக் கழகத்தின் தலைவர் ஆ.சத்தியமூர்த்தி, சமூகத்தின் இளைய, மூத்த படைப்பாளர்கள், கல்விச் சமூகத்தினர், வாசகர்கள், சமூக ஆர்வலர்கள் எனப்பலரும் கலந்து கொண்டிருந்தனர்.
