முல்லைத்தீவு மாவட்டத்தின் கள்ளப்பாடு தெற்கு(90) கிராம அலுவலகர் பிரிவில் புதிய நீர் இணைப்பினை வழங்குவதற்கான நடமாடும் சேவையினை எதிர்வரும் வெள்ளிக்கிழமை (08) மற்றும் சனிக்கிழமை (09) ஆகிய இரு நாட்களில் நடைபெறவுள்ளதாக அறிவிக்கப்பட்டுள்ளது.
இதன்போது தேசிய நீர்வழங்கல் வடிகாலமைப்பு சபையின் உத்தியோகத்தர்கள் வீடு வீடாக வருகை தந்து புதிய நீர் இணைப்பிற்கான விண்ணப்ப படிவங்களை பொதுமக்களுக்கு வழங்கவுள்ளார்கள்.
இந் நிலையில் குறித்த விண்ணப்பப் படிவத்தினை பூர்த்தி செய்செய்து கோரப்பட்ட ஆவணங்களுடன் எதிர்வரும் 21ம் திகதிக்கு முன்னர் கள்ளப்பாடு தெற்கு கிராம அலுவலகத்தில் ஒப்படைக்குமாறு தேசிய நீர் வழங்கல் வடிகாலமைப்பு சபை தெரிவித்துள்ளது.
இது தொடர்பில் மேலதிக தகவல்களை பெற்றுக்கொள்ள 021 2283981 எனும் தொலைபேசி இலக்க்திற்கு தொடர்பு கொள்ளுமாறு மாவட்ட பொறியியலாளர் அலுவலகம் அறிவித்துள்ளது.
