வடக்கு மாகாண பண்பாட்டலுவல்கள் திணைக்களத்தின் அனுசரணையுடன் யாழ்ப்பாண பிரதேச செயலகமும் யாழ்ப்பாண பிரதேச கலாசாரப் பேரவையும் இணைந்து நடாத்திய பண்பாட்டு விழா நேற்று (29) வெள்ளிக்கிழமை பிரதேச செயலக மாநாட்டு மண்டபத்தில் நடைபெற்றது.
பிரதேச செயலாளர் திரு.சாம்பசிவம் சுதர்சன் அவர்களின் தலைமையில் இடம்பெற்ற இந் நிகழ்வில் பிரதம விருந்தினராக மாவட்ட அரசாங்க அதிபர் கணபதிப்பிள்ளை மகேசன் அவர்களும் சிறப்பு விருந்தினராக திருமதி. இராஜமல்லிகை சிவசுந்தரசர்மா (பிரதிப் பணிப்பாளர் பண்பாட்டலுவல்கள் திணைக்களம் வடக்கு மாகாணம்) அவர்களும் கௌரவ விருந்தினராக திருமதி வசந்தி குஞ்சிதபாதம் (நடனக் கலைஞர் யாழ் ரத்னா) அவர்களும் கலந்து சிறப்பித்தனர்.
பிரதேச செயலாளர் பிரிவிற்குட்பட்ட மாணவர்களின் பண்பாட்டு ஊர்வலமும் , நடன நிகழ்வுகளும் , யாழ் பாடி 6 மலர் வெளியீடும், கலைஞர்கள் கௌரவிப்பும், யாழ் ரத்னா விருது வழங்கும் நிகழ்வும், கீதவாகினி இசைக் கல்லூரி கலைஞர்களின் புல்லாங்குழல் வாத்திய பிருந்தாவும், யாழ்.பிரதேச கலைஞர்களின் பூதத்தம்பி நாட்டுக் கூத்தும் இடம்பெற்றமை குறிப்பிடத்தக்கது.
