ஜெய்லானி மத்திய கல்லூரி மைதானத்தில் நோன்பு பெருநாள் தொழுகை

(நதீர் சரீப்தீன்)

இரத்தினபுரி – பலாங்கொடை அல் புர்கான் ஜும்மா பள்ளிவாசல் ஏற்பாடு செய்த புனித நோன்பு பெருநாள் தொழுகை இன்று (03) காலை பலாங்கொடை ஜெய்லானி மத்திய கல்லூரி மைதானத்தில் இடம்பெற்றது.

இஸ்லாம் மார்க்கத்தின் ஐம்பெருங் கடமைகளில் நான்காவது கடமையான நோன்பை, ரமழான் மாதம் முழுவதும் நோற்ற பின்னர் ஈதுல் பித்ர் பெருநாள் எனும் நோன்பு பெருநாள் கொண்டாடப்படுகின்றது.

நோன்பு பெருநாளை முன்னிட்டு இலங்கை முழுவதும் உள்ள பள்ளிவாசல்களில் இன்று காலை விசேட பெருநாள் தொழுகை மற்றும் பிரார்த்தனைகள் நடைபெறுகின்றது .

இலங்கை வாழ் இஸ்லாமியர்களான முஸ்லீம் பிரஜைகள் இன்றைய தினம் (03) செவ்வாய் கிழமை புனித நோன்பு பெருநாளை கொண்டாடுகின்றனர்