கண்டியிலிருந்து பதுளை நோக்கி சென்றுகொண்டிருந்த காரொன்று வலப்பனை பொலிஸ் பிரிவில் இன்று (08) மாலை 4.30 மணியளவில் பள்ளத்தில் வீழ்ந்து விபத்துக்குள்ளானதில் ஒரே குடும்பத்தைச் சேர்ந்த 7 பேர் காயமடைந்து ஐந்து மாத குழந்தையொன்று சம்பவ இடத்திலேயே உயிரிழந்துள்ளதாக வலப்பனை பொலிஸார் தெரிவித்தனர்.
விபத்தில் காயமடைந்த ஒரே குடும்பத்தைச் சேர்ந்த 7 பேரும் வலப்பனை பிரதேச வைத்தியசாலையில் சிகிச்சைக்காக அனுமதிக்கப்பட்டுள்ளதாக வலப்பனை பொலிஸார் தெரிவித்தனர்.
கண்டியிலிருந்து அதிகாரகமை ஊடாக பதுளை நோக்கி பயணித்த காரே வேகக் கட்டுப்பாட்டை இழந்த நிலையில் விபத்து இடம்பெற்றுள்ளதாக வலப்பனை போக்குவரத்து பொலிஸார் மேலும் தெரிவித்தனர்.
