புத்தளம் மாவட்ட பாராளுமன்ற உறுப்பினர் அலிசப்ரி ரஹீமின் புத்தளம் வான் வீதியில் உள்ள வீட்டின் மீது இனந்தெரியாத குழுக்களால் இன்றிரவு (09) தாக்குதல் மேற்கொள்ளப்பட்டுள்ளதுடன் அப்பிரதேசத்தில் பதற்றம் நிலவுகிறது
பாராளுமன்ற உறுப்பினரின் உத்தியோகபூர்வ இல்லம் மற்றும் அலுவலகம் என்பனவற்றின் மீது இனந்தெரியாத குழுக்களினால் தாக்குதல் நடத்தப்பட்டுள்ளதுடன் மோட்டார் சைக்கிள் உள்ளிட்ட வாகனங்களும் தீயிட்டு கொளுத்தப்பட்டுள்ளன.
பாராளுமன்ற உறுப்பினர், அரசாங்கத்தினால் கொண்டுவரப்பட்ட 20 ஆவது திருத்த சட்டத்திற்கு ஆதரவு வழங்கியது முதல் இன்றுவரை அரசு சார் உறுப்பினராக செயற்பட்டு வருகிமையும் குறிப்பிடத்தக்கது.
அகில இலங்கை மக்கள் காங்கிரஸ் உறுப்பினரான அலிசப்ரி ரஹீம், கடந்த பாராளுமன்ற பொதுத் தேர்தலில் முஸ்லிம் தேசிய கட்டமைப்பு சார்பில் போட்டியிட்டு பாராளுமன்ற உறுப்பினராக தெரிவானார்.
