அமுலில் உள்ள ஊரடங்குச் சட்டம் நாளை வரை மேலும் நீடிப்பு

இலங்கை முழுவதும் தற்போது அமுலில் உள்ள ஊரடங்குச் சட்டம் நாளை 12 ஆம் திகதி காலை 7 மணி வரை மேலும் நீடிக்கப்பட்டுள்ளது

இலங்கை முழுவதும் நேற்று முன்தினம் (09) இரவு 7.00 மணி முதல் நேற்று (10) காலை 7.00 மணி வரை அமுல்படுத்தப்பட்டிருந்த ஊரடங்குச் சட்டம், பொது பாதுகாப்பு கட்டளைச் சட்டத்தின் 16ஆவது பிரிவின் விதிகளுக்கு இணங்க 2022.05.11 புதன்கிழமை காலை 7.00 மணி வரை நீடிக்கப்பட்டதுடன் அனாலும் அதே ஊரடங்குச் சட்டம் நாளை 12 ஆம் திகதி வியாழக்கிழமை காலை 7 மணி வரை தற்போது மேலும் நீடிக்கப்பட்டுள்ளது.

அதன்படி, அங்கீகரிக்கப்பட்ட அதிகாரியால் வழங்கப்பட்ட எழுத்துப்பூர்வ அனுமதியின் அதிகாரத்தின் கீழ் தவிர, அந்த பகுதிகளில் உள்ள பொதுச்சாலை, புகையிரதப் பாதை, பொதுப் பூங்கா, பொது விளையாட்டு மைதானம் அல்லது கடற்கரையில் யாரும் தங்குவதற்கு அனுமதி இல்லை எனவும் ஜனாதிபதி ஊடகப் பிரிவு குறிப்பிட்டுள்ளது