இலங்கையில் ஹஜ்ஜுப் பெருநாள் தினம்

இலங்கையில் ஹஜ்ஜுப் பெருநாள் இன்று ஜூலை 10 ஆம் திகதி என முடிவு எடுக்கப்பட்டுள்ளது.

கொழும்பு பெரிய பள்ளிவாசலில் கடந்த 30.06.2022 அன்று இடம்பெற்ற பிறை பார்க்கும் மாநாட்டில் இந்த முடிவு எடுக்கப்பட்டுள்ளது.

ஹிஜ்ரி 1443 துல்ஹஜ் மாத தலைப்பிறை கடந்த 30.06.2022 ஆம் திகதி இலங்கையில் சில பகுதிகளில் தென்பட்டுள்ளதுடன் அதற்கமைய, துல்ஹஜ் மாதத்தின் 10 ஆம் நாளான இன்று ஞாயிற்றுக்கிழமை ஜூலை 10 ஆம் திகதி, ஹஜ்ஜுப் பெருநாள் தினம் என அறிவிக்கப்பட்டுள்ளது.

கொழும்பு பெரிய பள்ளிவாசல், முஸ்லிம் சமய கலாசார அலுவல்கள் திணைக்களம் மற்றும் அகில இலங்கை ஜம்மிய்யதுல் உலமா சபையின் பிறைக்குழு ஆகியன இணைந்து இவ்வறிவிப்பை ஏகமனதாக வெளியிட்டுள்ளது.

இலங்கையில் அரசியல், பொருளாதார, சமூக நெருக்கடிக்கு மத்தியில் ஹஜ்ஜுப் பெருநாள் தினம் அனுஷ்டிக்கப்படுகிறது.