சம்புத்த சாசனத்தைப் பாதுகாப்பது அனைத்து பக்தர்களினதும் புரோகிதர்களினதும் பொறுப்பாகும் எனவும், மதமும் ஆட்சியும் ஒன்றாகக் கலக்கக் கூடாது எனவும், பௌத்தத்தை ஒரு அரசியல் ஆயுதமாக்குவதில், மதம் பெற வேண்டிய உயர்வான அந்தஸ்து குறைமதிப்பிற்கு உட்படுத்தப்படுவதாகவும், சம்புத்த சாசனத்தைப் பாதுகாப்பது வெறும் வார்த்தைகளுக்கு மாத்திரம் மட்டுப்படுத்தப்படமால் நடைமுறைச் செயல்களால் அமைய வேண்டும் எனவும் எதிர்க்கட்சித் தலைவர் சஜித் பிரேமதாச தெரிவித்தார்.
காலி தங்கேதர ஸ்ரீ ஜயவர்தனராம மகா விகாரை,காலி ஜம்புகெட்டிய சிறி சுகதராமய,
காலி சாமிவத்த அபிநவரம,துன்போதி விபச்சனா மையம்,ஹக்மன பல்லாவெல தெற்கு பிடல்கமுவ நிக்ரோதாராமய விகாரைகளின் விகாராதிபதி, ஓய்வுபெற்ற பிரதி அதிபரும்,ஸ்ரீ ஜயவர்தனபுர பல்கலைக்கழகத்தின் முன்னாள் வருகை தரு விரிவுரையாளருமான சாஸ்த்ரபதி பல்லாவெல சுமேதவன்ச தேரருக்கு,காலி மாத்தறை மற்றும் ஹம்பாந்தோட்டை பிரிவுகளுக்கான நீதிமன்ற சங்கநாயக்க பதவிக்கான சன்னஸ் பத்திரம் வழங்கும் வைபவத்தில் கலந்து கொண்டு உரையாற்றும்போதே எதிர்க்கட்சித் தலைவர் மேற்கண்டவாறு தெரிவித்தார்.
சம்புத்த சாசனத்தைப் பாதுகாப்பதும் மேம்படுத்துவதும் நம் அனைவரினதும் பொறுப்பாகும் எனவும், இதற்காக புத்தசாசன அமைச்சு,பௌத்த நிதியம் மற்றும் பல சாசன ஊக்குவிப்பு நடவடிக்கைகள் எமது நாட்டில் நடைமுறைப்படுத்தப்பட்ட எமது நாட்டில், பல்வேறு காரணிகளால் தற்போது சம்புத்த சாசனம் சில பின்னடைவுகளைச் சந்தித்துள்ளதாகவும் எதிர்க்கட்சித் தலைவர் தெரிவித்தார்.
நாடு முழுவதும் உள்ள விகாரைகளில் பல்வேறு தியாகங்களைச் செய்வது,கடினமானதொரு பயணத்தில் ஈடுபட்டுவரும் சம்புத்த சாசனத்தின் காவலர்களாக கருதப்படும் மரியாதைக்குரிய மகா சங்கரத்தினரைப் பாதுகாப்பது அனைவரின் பொறுப்பாகும் எனவும்,அதை நடைமுறை யதார்த்தமாக்குவதற்கு அனைவரும் ஒன்றித்து சமமாக பங்களிக்க வேண்டும் என எதிர்க்கட்சித் தலைவர் சஜித் பிரேமதாச தெரிவித்தார்.
புத்தபெருமான் போதித்த தசராஜ தர்மத்தின் பிரகாரம் அரசாட்சி நடத்தப்பட்டால் நாடும், இனமும்,மதமும், சம்புத்த சாசனமும் பாதுகாக்கப்படும் எனவும், அந்த இலக்கை அடைவதற்கு செயற்படுவது அனைவரின் பொறுப்பாகும் எனவும்,தற்போது பொய் கோலோட்சி உண்மை மூடிமறைக்கப்பட்டுள்ளதாகவும் அவர் தெரிவித்தார்.
