கொழும்பில் 14 மணித்தியால நீர் வெட்டு

கொழும்பில் பல பகுதிகளில் நாளை 15 ஆம் திகதி சனிக்கிழமை 14 மணித்தியால நீர் வெட்டு அமுல்படுத்தப்படவுள்ளதாக நீர் வழங்கல் மற்றும் வடிகாலமைப்பு சபை தெரிவித்துள்ளது.

சனிக்கிழமை காலை 8 மணி முதல் இரவு 10 மணி வரையான 14 மணித்தியாலங்களுக்கு நீர்வெட்டு அமுல்படுத்தப்படவுள்ளதாக நீர்வழங்கல் மற்றும் வடிகாலமைப்பு சபை தெரிவித்துள்ளது.

மாளிகாகந்த மற்றும் எலிஹவுஸ் நீர்ப் பம்பி நிலையங்களுக்காக மின் விநியோகக் கட்டமைப்பில் மேற்கொள்ளப்படவுள்ள அத்தியாவசிய திருத்தப் பணிகள் காரணமாக நீர் வெட்டு அமுல்படுத்தப்படவுள்ளது.

கொழும்பு 01 முதல் 04 வரையான பகுதிகள் மற்றும் கொழும்பு 07 முதல் 15 வரையான பகுதிகளிலேயே நீர் வெட்டு அமுல்படுத்தப்படவுள்ளது.

இப்பிரேதேசங்களிலுள்ள மக்கள் நீரை சேமித்து வைத்து சிக்கனமாக பயன்படுத்துமாறு நீர்வழங்கல் மற்றும் வடிகாலமைப்பு சபை கோரிக்கை விடுத்துள்ளது.