காத்தான்குடி அறிவிப்பாளர் போரத்தின் செயற்திட்டங்களில் ஒன்றான “வாழும் போதே வாழ்த்துவோம்” செயற்திட்டத்தின் கீழ் சிறு வயதிலேயே அறிவிப்பு, நிகழ்ச்சி நெறிப்படுத்தல் போன்ற துறைகளில் ஆர்வத்துடன் திறமையை வெளிக்காட்டி வருவதுடன் “வெள்ளி வெளிச்சம்” எனும் முகநூல் பக்கத்தில் தனக்கென நேயர்களை உருவாக்கி சாதனை புரிந்து வரும் முஹம்மட் றியாஸ் பாத்திமா றிஸ்லா அவர்களை வாழ்த்தும் நிகழ்வு கடந்த வெள்ளிக்கிழமை (08) அவரது இல்லத்தில் இடம்பெற்றது.
காத்தான்குடி அறிவிப்பாளர் போரத்தின் தலைவர் அறிவிப்பாளர் எம்.பஹ்த் ஜுனைட் தலைமையில் இடம்பெற்ற இந் நிகழ்வில் அதிதிகளாக காத்தான்குடி பிரதேச செயலக கலாசார உத்தியோகத்தர் எம்.ஐ.எம்.ஜவாஹிர் (பலாஹி) , கலாபூஷணம் காத்தான்குடி பெளஸ் மெளலவி ஆகியோர் கலந்து சிறப்பித்ததுடன் போரத்தின் உப தலைவர் எம்.ஐ.அப்துல் நசார், செயலாளர் ஏ.ஆர்.எம்.அஸ்ஹர், பொருளாளர் ஏ.ரீ.எம்.றியாஸ், நிர்வாக சபை உறுப்பினர் பி.எம்.பயாஸ் ஆகியோருடன் ஊடகவியலாளர், அறிவிப்பாளர் எம்.எஸ்.எம்.சஜி மற்றும் குடும்ப உறுப்பினர்களும் கலந்துகொண்டு சிறுமியை வாழ்த்தியமை
குறிப்பிடத்தக்கது
