இலங்கையில் கொரோனா வைரஸ் தொற்று 22 மரணங்கள் நேற்று (10) பதிவாகியுள்ளதாக, சுகாதார சேவைகள் பணிப்பாளர் நாயகம் அசேல குணவர்தன உறுதிப்படுத்தியுள்ளதாக, அரசாங்க தகவல் திணைக்களம் இன்று (11) அறிக்கையிட்டுள்ளது
இலங்கையில் ஏற்கனவே 14,573 கொரோனா வைரஸ் தொற்று மரணங்கள் பதிவானதாக அறிவிக்கப்படட்ட நிலையில், தற்போது அறிவிக்கப்பட்டுள்ள கொரோனா வைரஸ் தொற்று 22 மரணங்களுடன், இலங்கையில் இதுவரை 14,595 கொரோனா வைரஸ் தொற்று மரணங்கள் பதிவாகியுள்ளன.
கொரோனா வைரஸ் தொற்று மரணமடைந்த 22 பேரில், 15 பேர் ஆண்கள், 07 பேர் பெண்கள் என்பதுடன், 60 வயதுக்கு மேற்பட்டோர் 16 பேர் என அரசாங்க தகவல் திணைக்களம் இன்று அறிக்கையிட்டுள்ளது.
