கரைச்சி பிரதேச சபையின் கொடி மற்றும் புத்துயிராக்கப்பட்ட சின்னம் நேற்று (03) கரைச்சி பிரதேச சபையின் தவிசாளர் அருணாசலம் வேழமாலிகிதன் தலைமையில் அறிமுகம் செய்து வைக்கப்பட்டது.
தேசிய கொடி ஏற்றப்பட்டு அரச உத்தியோகத்தர்கள் உறுதி மொழி எடுக்கும் நிகழ்வினை தொடர்ந்து குறித்த நிகழ்வு ஆரம்பமானது. இதன்போது மங்கள விளக்கேற்றப்பட்டது. தொடர்ந்து கரைச்சி பிரதேச சபையினால் முதல் முதலாக அறிமுகப்படுத்தப்பட்ட கரைச்சி பிரதேச சபை கொடி தவிசாளர் வேழமாலிகிதனால் ஏற்றி வைக்கப்பட்டது.
கரைச்சி பிரதேச சபைக்கான சின்னம் மறு சீரமைக்கப்பட்டு அறிமுகம் செய்து வைக்கப்பட்ட சின்னத்தினை நாடாளுமன்ற உறுப்பினர் எஸ்.சிறிதரன் திரை நீக்கம் செய்து திறந்து வைத்தார்.
நிகழ்வில் நாடாளுமன்ற உறுப்பினர் சிறிதரன், தவிசாளர் வேழமாலிகிதன், உப தவிசாளர் தவபாலன், பிரதேச சபை உறுப்பினர்கள், பிரதேச சபை செயலாளர் திலீபன், பிரதேச சபை உத்தியோகத்தர்கள் வர்த்தக சங்கத்தின் தலைவர் என பலரும் கலந்து கொண்டனர்.
